ದೋಸೆಯ ಶಕಲ್

ನಿನ್ನೆ ಮನೆಯಲ್ಲಿ ’ಛೇ, ಈ ದೋಸೆಯ ಶಕಲ್’ ಸರಿಯಾಗಲಿಲ್ಲ’ ಅಂತ ಒಂದು ವಾಕ್ಯ ಕೇಳಿ ಬಂತು.

ಎಮ್. ಟಿ. ಆರ್. ಇನ್ ಸ್ಟೆಂಟ್ ರವಾ ದೋಸೆ ಪುಡಿಯ ಪ್ಯಾಕೆಟ್ ಒಡೆದು ನೀರು ಹಾಕಿ ಕಲ್ಲಿನಲ್ಲಿ ದೋಸೆಗಳನ್ನು ಹಚ್ಚುವಾಗ ಕೇಳಿಬಂದ ವಾಕ್ಯವಿದು. ಅರ್ಥವಾಗದೇ ನಾನೆಂದೆ, ’ಏನು?’

’ದೋಸೆಗಳ ಶಕಲ್ಲ್ ಗಳೇ ಸರಿಯಾಗಿ ಬರ್ತಾ ಇಲ್ಲ’, ಅಂತ ಮತ್ತೆ ಬಂತು ಉತ್ತರ. 

ಗ್ಯಾಸಿನ ಮೇಲಿದ್ದ ದೋಸೆಯ ಕಲ್ಲಿನ ಮೇಲೆ ಹಾಕಿದ ದೋಸೆಯ ಆಕಾರ ಅಮೀಬಾದ ದೇಹದಂತಿತ್ತು.

’ಆಹ್, ದೋಸೆಯ ಶೇಪ್ ಸರಿಯಾಗಿ ಬರುತ್ತಿಲ್ಲ ಅಂತ ಹೇಳು’, ನಾನೆಂದೆ. ’ಕನ್ನಡದಲ್ಲಿ ಹೇಳಿದ್ರೆ ಕ್ಲಿಯರ್ ಆಗಿ ಅರ್ಥವಾಗುತ್ತಿತ್ತು’, ಅಂತ ಮತ್ತೆ ಮುಂದುವರಿಸಿದೆ.

’ಕರೆಕ್ಟ್, ದೋಸೆಗಳ ಶೇಪ್ ನೀಟ್ ಆಗಿ ಬರುತ್ತಿಲ್ಲ’, ಅಂತ ಮತ್ತೆ ಕೇಳಿ ಬಂತು ಉತ್ತರ.

’ಹಾಗೆ ಹೇಳು ಮತ್ತೆ’, ಅಂತಂದೆ.